1. Басты
  2. Біл
  3. Оқиға
  4. Тосын жай

Шахтинскіде түрмедегілерді азаптады деген күдіктілер сотта жауап беріп жатыр

Иллюстрциялық сурет: sadsha.ru Иллюстрциялық сурет: sadsha.ru

Қарағанды облысында сотталғандар арасында азаптау ұйымдастырған колонияның екі қызметкері сот алдында жауап беріп жатыр, - деп хабарлайды Tengrinews.kz тілшісі. 

Шахтинск қалалық сотының мәліметі бойынша, айыпкерлер АК 159/6  Қылмыстық-атқару мекемесінде кезекшілік және жедел қызметінің уәкіл басшысының көмекшілері болып жұмыс істеген. Оларға ҚР ҚК-нің 25-бабының 3-тарау және 146-бабының 3-тарау бойынша айып тағылды. 

Сонымен қатар, колония қызметкерлерімен бірге алты сотталушы да жауапкершілікке тартылып отыр. Алтауына да адам өліміне әкелген азаптау бойынша айып тағылды. 

"Қылмыстық іс сотқа наурызда жіберілді. Басты сот отырысы 23 сәуірге белгіленген болатын. Қазіргі кезде іс бойынша тыңдаулар өтіп жатыр. Соттың келесі отырысы 2 мамырда", - деп хабарлады Шахтинск қалалық сотының өкілдері.