Шаңды дауыл Ақтауды жарық пен сусыз қалдырды

11 Тамыз 2014, 11:34
0
Шаңды дауыл Ақтауды жарық пен сусыз қалдырды - ©lada.kz
©lada.kz
Шаңды дауыл Ақтауды жарық пен сусыз қалдырды - ©lada.kz
©lada.kz

Шаңды дауылдың салдарынан Ақтау жарық пен сусыз қалды, - деп хабарлайды Aktau-Business.com порталы. Дүлей жел 10 тамыз күні қаланы әбігерге салды.

Шаңды дауылдың салдарынан қаладағы орталық электр тарату желісінде апат болып, 200 мыңға жуық қала тұрғыны жарықсыз қалды. Содан кейін Ақтауда ауызсу мен техникалық су беру тоқтады. Электр сол күні кешке қарай қайтадан іске қосылды. Ал сумен қамту әлі қалпына келтірілген жоқ. Су алдымен қаланың төменгі аудандарында, кейін қалған бөлігінде тоқтап қалған.

"Қазатомөнеркәсіп" Маңғыстау атом-энергетикалық комбинаты" ЖШС баспасөз қызметінің хабарлауынша, жөндеу бригадасы қалпына келтіру жұмыстарын 11 тамыз күні түске дейін аяқтайды. "Кейбір ықшамаудандарда қазір су беріле бастады. Бірақ әзірше техникалық мақсаттағы су ғана. Сәлден кейін ауызсу берілетін болады. Ақтаулықтардан дүрлікпей, сабыр сақтауды сұраймыз", - деді серіктестіктің баспасөз хатшысы Қолқанат Нұржаубайұлы.

Табиғаттың тосын мінезінен болған қолайсыздық ақтаулықтарды ауызсуды дүкендерден жаппай сатып алуға мәжбүрледі. Қала тұрғындары түн мезгілінде де супермаркеттерде кезекке тұрып, ауызсуды көтеріп сатып алуға тырысқан.

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай