1. Басты
  2. Біл
  3. Оқиға
  4. Тосын жай

ШҚО-да 9 жастағы бала дүкенге шығып, жоғалып кетті

ШҚО-да полицейлер мен еріктілер бір тәулік бойы 9 жастағы баланы іздестіріп жатыр, - деп хабарлайды Tengrinews.kz тілшісі Шығыс Қазақстан облысы ПД баспасөз қызметіне сілтеме жасап.

24 қаңтарда шамамен таңғы сағат 9:00-де үйден шығып, қайтып оралмаған 9 жастағы Айдар Егізбаевты тәртіп сақшылары іздестіріп жатыр. 

Бала Бобровка ауылында жоғалып кеткен. Еріктілердің хабарлауынша, бала дүкенге шығып, қайта оралмаған.

Өңір полициясы жоғалған баланы іздеу бойынша барлық қажетті іс-шара жүргізіліп жатқанын мәлімдеді. Жұмыс ШҚО Полиция департаменті басшылығының бақылауында. Сондай-ақ, іздеуге еріктілер де жұмылды.

Айдар Егізбаевтың белгілері: бойы 120 сантиметр, арық келген, шашы қысқа қоңыр түсті, көзі қоңыр. Үстіне сары спорттық киім және қара түсті шалбар, бас киім және бәтеңке киген.

ШҚО Полиция департаменті кәмелетке толмаған баланың қайда екені туралы қандай да бір ақпарат болса, "102" телефоны бойынша хабарласуларыңызды сұрайды.

Посмотреть эту публикацию в Instagram

Публикация от Volontery_Semey_LIDER.KZ (@volontery_semey_lider.kz)