ШҚО-да аулада ойнап жүрген бала найзағай ұрып қаза тапты

17 Шілде 2018, 09:54
0
ШҚО-да аулада ойнап жүрген бала найзағай ұрып қаза тапты - ©pexels.com
©pexels.com

Шығыс Қазақстан облысында 16 жастағы бала найзағай ұрып қаза болды. Бұл туралы ШҚО Төтенше жағдайлар министрлігінің баспасөз қызметі мәлімдеді, - деп хабарлайды Tengrinews.kz тілшісі.

Апат 16 шілдеде Семейдегі Чекоман ауылында болды. Құтқарушылардың айтуынша, бала оқиға кезінде үй  ауласында ойнап жүрген. Жасөспірім алған жарақаттарынан қайтыс болды.

Ведомствоның мәліметінше, күн күркіреуінен көбінесе Шығыс Қазақстан облысының тұрғындары зардап шегеді. Найзағай негізінен бақташы мен шопандарға ұрады, бұл көп жағдайда өліммен аяқталды.

"Бірнеше күн бойы Шығыс Қазақстан облысының Төтенше жағдайлар департаменті синоптиктердің ауа райының қолайсыз, жел мен құбылмалы ауа райының болатынын хабарлаған. Бұл жағдайда азаматтар табиғатқа шығуды кейінге қалдырып, ал найзағай ойнаған жағдайында қолайсыз ауа райының өтіп кетуін күтіңіз", - делінген хабарламада.

Құтқарушылар "найзағай дәрменсіздікті ұнатпайды" деп түсіндіреді. Сондықтан, найзағай кезінде, жазық далада жүрсеңіз, аттан түсіп, тоқтап, күркіреудің аяқталғанын күтіңіз. Жалғыз тұрған ағаш астында жасырынбаңыз, себебі найзағай ең алдымен биік нысанға, соның ішінде ағашқа бағытталады. Әсіресе емен, қарағай, терек, шырша сияқты ағаш түбінде тұру қауіпті.

Бірнеше күн бұрын Қостанай облысында 8 жастағы қыз найзағай түсіп, қаза тапқаны хабарланды. Сегіз жастағы қыз найзағай соққысынан қайтыс болған. Бұған қоса, найзағай салдарынан Қарағандыдағы жанармай құю бекетінің бірінде жарылыс юолған еді.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай