Шығыс Қазақстан облысында жүк вагондары рельстен шығып кетті

03 Ақпан 2015, 10:35
0
Шығыс Қазақстан облысында жүк вагондары рельстен шығып кетті - Тengrinews.kz мұрағатынан
Тengrinews.kz мұрағатынан

Шығыс Қазақстан облысында жүк пойызының вагондары рельстен шығып кетті, - деп хабарлайды YK-news.kz жергілікті төтенше жағдайлар департаментінің баспасөз қызметіне сілтеме жасап. 

Төтенше оқиға 02 ақпан күні Астана уақыты бойынша сағат 08.30 шамасында Семей - Дегелең теміржолының 252-шақырымында болды. 19 бос вагон рельстен шығып кетті. Құрбан болғандар мен зардап шеккендер жоқ. Оқиға орнына "Қазақстан темір жолы" ҰК" АҚ қызметкерлері келген. Апат бұл бағытта пойыздардың қозғалысын бес сағатқа жуық уақытқа кідірткен. Қазіргі уақытта қозғалыс қалпына келтірілді. 

Еске сала кетейік, бұған дейін Жамбыл облысындағы Жамбыл - Түлкібас теміржол учаскесінде жүк тиелген 12 вагон жолдан шығып кеткен еді. Оқиғаның салдарынан 16 жолаушылар пойызы кестесінен кешігіп қалды. Арнайы құрылған комиссия жұмысының алдын ала мәліметі бойынша, вагондардың жолдан шығып кетуіне жолдың қисық учаскесінде бір тіркеменің бұрылмай қалуы себеп болды. Бұл вагонның нөмірі - 44676914. Оның меншік иесі - Ресейдің "Федералдық жүк компаниясы" АҚ. Келген шығын жүк вагонының меншік иесінен талап етілетін болады.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай