1. Басты
  2. Біл
  3. Оқиға
  4. Тосын жай

Шығыс Қазақстанда 20 жастағы қыз көпірден секіріп кетті 05 маусым 2015, 11:10

Семейде мамыр айында да осыған ұқсас оқиға болды. Үйленбек болып, ғашығына ұсыныс жасаған сарбаз қызының келіспейтінін естіп, өз-өзіне қол жұмсаған.
© Ulpravda.ru © Ulpravda.ru

Семейде 20 жастағы қыз Ертіске секіріп кетті, - деп хабарлайды Yk-News.kz ШҚО Жұмылдыру дайындығы басқармасына сілтеме жасап. 

Басылымның мәліметінше, қыздың жоғалып кеткенін оның туыстары хабарлаған. 30 мамырда үйінен шығып кеткен ол қайта оралмаған. Куәгерлер полицияға жас қыздың көпірден Ертіс өзеніне секіріп кеткенін айтыпты. Қазір ШҚО ТЖД су-құтқару қызметкерлері қыздың денесін іздестіріп жатыр.

Еске сала кетейік, мамыр айында Семейде сарбаз көпірден секіріп өлген болатын. 20 жастағы жігіт Ертіс өзеніне батып кетті. Болжам бойынша, Семейге сүйіктісімен кездесу үшін келген ол үйленбек болып, ғашығына ұсыныс жасаған. Қызының келіспейтінін естіп, өз-өзіне қол жұмсады.