Шығыс Қазақстанда сот 18 жастағы жігіттің анасына жақындауына тыйым салды

09 Маусым 2015, 16:56
0
Шығыс Қазақстанда сот 18 жастағы жігіттің анасына жақындауына тыйым салды - © depo.ua
© depo.ua

Шығыс Қазақстан облысында сот 18 жастағы жігіттің анасына жақындауына тыйым салды, - деп хабарлайды YK-news.kz. Мұндай шешімді Семейдегі мамандандырылған әкімшілік соты шығарды.

Порталдың мәліметінше, әйел адам өзінің 18 жастағы ұлының үстінен полицияға арыз түсірген. Анасының айтуынша, жас жігіт ішімдікке сылқия тойып алып, анасының үйіне барған, жанжал шығарып, оны балағаттаған. Отбасылық-тұрмыстық қатынастар саласындағы құқықбұзушылық дерегіне қатысты әкімшілік өндіріс қозғалды.

"Ұлының осымен бірнеше рет агрессивті қылық танытуына байланысты әйел адам перзентінің оған жақындауына тыйым салуы туралы сотқа жүгінді. Судья талап арызды қанағаттандырды", - делінген жарияланымда.

Айта кетейік, жігіт 10 тәулікке қамалды. Сонымен қатар, оның жарты жыл ішінде зардап шегушіні іздестіруіне, ізіне түсуіне, үйіне баруға, сөйлесуге, қоңырау шалуына және тағы ба басқа жолдармен байланысуына тыйым салынды.

 

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай