1. Басты
  2. Біл
  3. Оқиға
  4. Тосын жай

Шығыс Қазақстанда зейнеткер өрт салдарынан қаза болды

©Астана ТЖД баспасөз қызметі ©Астана ТЖД баспасөз қызметі

Шығыс Қазақстанда зейнеткер өрттен қаза тапты, - деп хабарлайды Тengrinews.kz тілшісі облыстық төтенше жағдайлар департаментінің баспасөз қызметіне сілтеме жасап. 

Оқиға Өскеменде 9 наурыз күні күндіз болды. Жеке үйлердің бірінің ағаш едені өртенген. Өртті сөндіру барысында 1954 жылы туған қожайынның түтінге уланған және аяғы күйген мәйіті табылды. Өрт 4 шаршы метрді шарпыған. 

Осы күні Аягөз қаласында да жеке үйлердің бірінде өрт болды. "Екіпәтерлі жеке үйдің жатын бөлмесінде жұмсақ жиһаз бен ауданы 4 шаршы метр болатын еден өртенді. Өрт салдарынан түтінге тұншыққан 1935 жылғы зейнеткер әйел мен 1970 жылы туған жұмыссыз азамат ауруханаға жатқызылды", - делінген хабарламада. Өрт 17.13-те басталып, 18.20-да сөндірілді. 

Облыстық ТЖД мәліметінше, 9 наурыз күні Семейде жеке үй мен құрылыс нысанындағы металл контейнер, Қатонқарағай ауылында жеке монша өртенді. Бұл төтенше оқиғалардың салдарынан зардап шеккендер жоқ.