Шымкент түбінде болған жол апатынан төрт адам қаза тапты

18 Қыркүйек 2017, 16:53
0
Шымкент түбінде болған жол апатынан төрт адам қаза тапты - © ospetstehniki.ru
© ospetstehniki.ru

Шымкент - Арыс - Шардара тасжолында Hyundai Starex жүргізушісі мен үш жолаушысы "Газ-53" жүк көлігімен соғысқаннан кейін қаза тапты, - деп хабарлайды Tengrinews.kz тілшісі ОҚО ІІД өкілдеріне сілтеме жасап.

Оқиға бүгін, 18 қыркүйекте таңғы уақытта болған. Hyundai Starex көлігінің 1995 жылғы жүргізушісі "Газ-53" жүк көлігімен соғысып, одан кейін тізгінге ие бола алмай, жол жиегіне қарай шығып кетіп, аударылған. Жол апаты салдарынан алған жарақатынан Hyundai Starex көлігінің екі жолаушысы оқиға орнында жан тапсырған, олар 1994 жылғы жігіт пен 1998 жылғы қыз.

Жүргізуші мен екі жолаушы (қыз бен жігіт) ауруханаға жеткізілген. Амал не, 1995 жылғы жүргізуші мен онымен жасты жолаушы қыз ауруханада қайтыс болған. 1970 жылғы әйел жансақтау бөліміне жеткізіліпті.

Полиция бұл деректі ҚР Қылмыстық кодексінің 345-бабы ("Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы") бойынша тергеп жатыр. Бірқатар сараптама тағайындалған.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай