Шымкентте Toyota Camry қаққан егде велосипедші есін жимастан көз жұмды

20 Маусым 2018, 10:51
0
Шымкентте Toyota Camry қаққан егде велосипедші есін жимастан көз жұмды - Иллюстрациялық сурет © Flat Road
Иллюстрациялық сурет © Flat Road

Toyota Camry көлігі қағып кеткен егде велосипедші ымкен ауруханасында көз жұмды. Бұл туралы ОҚО ІІД Мемлекеттік тіл және ақпарат басқармасының өкілдері мәлімдеді, - деп хабарлайды Tengrinews.kz тілшісі.

Жол-көлік оқиғасы 2018 жылдың 14 маусымында болған. Оқиғадан бес күннен кейін зейнеткер алған жарақаттардан көз жұмды.

"ОҚО ІІД-нің Анықтау басқармасында Toyota Camry автокөлігі мен велосипедшінің соқтығысуынан болған жол-көлік оқиғасы бойынша сотқа дейінгі тергеу амалдары басталды. ІІД-нің Жергілікті полиция қызметінен 19 маусымда Шымкенттің Абай ауданының аумағында 14 маусым күні орын алған жол-көлік оқиғасы туралы материал Анықтау басқармасына берілді. Оқиға салдарынан зейнеткер жедел жәрдем ауруханасының жансақтау бөліміне түсті" - делінген хабарламада.

Зейнеткер есін жимастан ауруханада қайтыс болған.

"Бұл дерек "жол жүрісі ережелерін бұзу" бабы бойынша СДТБТ-не тіркелді. Сотқа дейінгі тергеу амалдары басталды. Сараптамалар тағайындалды, оның қорытындысы бойынша шешім қабылданады" - дейді ІІД өкілдері.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай