1. Басты
  2. Біл
  3. Оқиға
  4. Тосын жай

Шымкентте әйел адамды талап өлтірген иттің көзі жойылды

Коллаж. © Tengrinews.kz Коллаж. © Tengrinews.kz

Шымкентте әйел адамды тталап өлтірген ит өлтірілді, - деп хабарлайды Tengrinews.kz тілшісі. 

Көрші үйінің иті шабуылдаған 64 жастағы Надежда Чумихинаның өлімі бойынша тергеудің қорытындысы белгілі болды. Шымкенттің Еңбекшіқазақ аудандық ішкі істер бөлімінің өкілдері ротвейлердің ұйықтатылғанын және сараптамаға берілгенін айтты. Әкімшілік кодекске сәйкес, иттің иесіне 10 АЕК (21 210 теңге) көлемінде айыппұл салынуы мүмкін. 

Еске салайық, оқиға 22 сәуірде сағат 20.00-де болған. Әйел қоршалмаған үйінің ауласына шыққан кезде, көрші үйдің иті оған қарай секіріп, тістелей бастайды. Куәгерлердің айтуынша, ит әйелдің денесінің оң жақ бөлігі мен бетінен тістеген. Зейнеткер алған жарақаты салдарынан сол жерде қаза тапты. Жәбірленуші тарап болса иттің иелерін кешіргенін айтты.