1. Басты
  2. Біл
  3. Оқиға
  4. Тосын жай

Шымкентте екі жұмысшы қаза тапқан төтенше жағдайдың себебі айтылды

ІІМ ТЖК басқармасы ІІМ ТЖК басқармасы

Шымкент әкімдігі жер опырылып, екі жұмысшы қайтыс болған оқиғаның алдын ала себебін айтты, - деп хабарлайды Tengrinews.kz тілшісі.

Қала әкімінің баспасөз қызметіндегілер алдын ала мәліметтер бойынша, қайғылы оқиғаға "Югстройсервис-Н" ЖШС мердігерінің қауіпсіздік техникасы талаптарын сақтамауы себебінен болғанын хабарлады.

Сондай-ақ, ведомство өкілі оқиға Шымкенттің әкімшілік-іскерлік орталығында болғанын айтты. Қазаншұңқырды 9 қабатты үш үйдің құрылысы үшін қазған. Тапсырыс беруші - қалалық құрылыс басқармасы. Жұмыстың конкурстық құны 1 миллиард 982 миллион 821 мың теңге. Нысан құрылысы 8 қазанда басталып, 2020 жылы аяқталады деп жоспарланған.

Еске салсақ, қайғылы оқиға 8 қарашада Қаратау ауданының Нұрсат-3 шағын ауданында Назарбаев даңғылы бойында болды. Құтқарушылар пультіне хабар 20.54-те келіп түсті.

"ЮгСтройСервис-Н" ЖШС жұмысшылары жер қазып жатқанда топырақ опырылды. Жер астында 3 бірлік техника жүргізушілерімен бірге (1 тиегіш, 1 экскаватор және 1 каток) қалды. Қазаншұңқыр тереңдігі 20-25 метр, көлемі 37х37 метр", - деп хабарлады ТЖК өкілі.