Талғар ауданындағы балабақшада эвакуация жүріп жатыр

23 Мамыр 2017, 16:07
0
Талғар ауданындағы балабақшада эвакуация жүріп жатыр -

Балабақшаға бомба қойылды деген хабрламаға байланысты Алматы облысы Талғар ауданы Қызыл Қайрат ауылындағы барлық балабақша қызметкерлері мен тәрбиеленушілері қауіпсіз жерге шығарылып жатыр, - деп хабарлайды Tengrinews.kz тілшісі. 

Аудан әкімдігі өкілдерінің сөзінше, қызметтік иттері бар күш құрылымдары мен аудандық ТЖБ қызметтері оқиға орнында жұмыс істеп жатыр. 

"Бүгін сағат 13:30-да белгісіз әйел қоңырау шалып, Қызыл Қайрат ауылындағы балабақшаға бомба қойылғанын хабарлады. Дегенмен қай балабақша екенін нақтылаған жоқ. Ал ол ауылда екі жекеменшік балабақша және 19 орта мектеп жанында кішігірім орталық бар. Оқиға орнына ауданның жедел қызметтері барды. Барлық оқушылар мен тәрбиеленушілер қауіпсіз жерге шығарылды, аумақ қоршауға алынды, лаңкестікке қарсы операция жүріп жатыр", - дейді Талғар ауданы әкімінің орынбасары Дарменияр Алғатбеков.

Алматы облысы ІІД-нің өкілдері аноним қоңырау шалынғанын растап, іздеу шараларынан кейін болған жайт туралы толық айтып беретінін жеткізді. Әкімдік өкілдері қазір жағдай бақылауда екенін айтып, аудан тұрғындарын сабырға шақырып отыр. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай