Таразда жетінші сынып оқушысы 10 жастағы баланы зорлап, буындырып өлтірген

13 Сәуір 2018, 08:34
0
Таразда жетінші сынып оқушысы 10 жастағы баланы зорлап, буындырып өлтірген - © КТК кадры
© КТК кадры

Таразда 10 жастағы жеткіншекті зорлап, буындырып өлтірген жасөспірімге үкім шықты, - деп хабарлайды КТК.

Өзінен үш жас кіші балаға ажал құштырған ол енді бір жылын ерекше режимдегі арнайы мектепте өткізуі тиіс. Оның колонияға жіберілмеуіне қылмыс жасаған кезде 14 жасқа толмағандығы себеп.

Еске салайық, бүкіл елді дүрліктірген оқиға өткен жылдың қараша айында болған еді. Із-түссіз жоғалған 4-сынып оқушысының өлі денесі балабақша маңындағы топ ағаштың арасынан табылған. Кейін соның мектебіндегі 7- сынып оқушысы басты күдікті ретінде ұсталады. Өйткені екеуінің бірге ойнап жүргендерін көргендер болған.

Тексеру нәтижесінде, Никитаның зорланғаны әрі қылғындырылғаны анықталған. Және екеуі де желім иіскеген.

Бірақ 13 жастағы Николайдың кінәсі толық дәлелденіп, тіпті өзі де мойындағанымен, ол қылмыстық жауапқа тартылмады. Ал судья анасынан ерте айырылып, маскүнем әкесімен елеусіз өскен жасөспірімге жаза тағайындау оңай болмады дейді. Фемида өкілі шешім шығарарда қылмыскердің қиын тағдырына баса мән берген.

"5 жастан 13 жасқа дейін оның ешкімі болмаған. Өзі де, өмірі де адам баласын қызығарлықтай емес. Ол маған "не істейсің" дегендей аянышты көзбен қарап тұрды. Прокурорлар екі жыл сұраған, ал мен бір жыл жаза кестім. Енді ол Шығыс Қазақстандағы ерекше режимдегі арнайы мектепте 12 ай болып келеді", - деді судья Тахмина Сұлтанова.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай