Таразда полицейлер клубтың шатырынан секіріп өлмек болған қызды құтқарды

20 Желтоқсан 2016, 17:06
0
Таразда полицейлер клубтың шатырынан секіріп өлмек болған қызды құтқарды - Видео кадры
Видео кадры

Таразда түнгі клубтардың бірінің шатырынан секіріп кетпек болған қыздың видеосы пайда болды, - деп хабарлайды Tеngrinews.kz тілшісі.

18 желтоқсанда шамамен түнгі 2.00-де түнгі клубқа келушілер бір қыздың шатырға шығып алып, секірмек болған оқиғасына куә болды. Кадрлардан полиция қызметкерінің көмекке келгенін көруге болады. Ол дереу әрекет етіп, қызды өзіне тартып қалады. Сөйтсек, 21 жастағы қыз құрбысымен бірге клубқа келген де, екеуара ұрысып қалған. Полициядағылар қыздың аты-жөні анықталғанын және оның мас болғанын хабарлады.

"Оқиға орнына жеткен полиция қызметкері шатырға мініп, қызды құтқарып алды. Кейін ол Жамбыл облыстық наркологиялық диспансеріне куәландыру үшін жеткізілді. Оның орташа деңгейде мас болғаны анықталды. Ол наркодиспансерге жабылды. Қызға қатысты көшеде және қоғамдық орындарда алкоголь ішкені үшін әкімшілік хаттама толтырылды", - деп хабарлады облыстық ІІД-нің баспасөз қызметіндегілер. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай