Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.91
EUR / KZT - 391.17
CNY / KZT - 49.84
RUB / KZT - 5.55

Теміртауда белгілі биші "Елка на воде" шоуынан кейін қайтыс болды

06 Қаңтар 2016, 09:51
0
© Tengrinews.kz
© Tengrinews.kz

Теміртауда қаладағы белгілі биші Екатерина Кокурина қайтыс болды. Қыздың жағдайы "Елка на воде" шоуында акробатикалық трюк орындау кезінде кенеттен нашарлайды. Оқиға көрермендердің көз алдында болды, - деп хабарлайды жергілікті ТТК телеарнасы.


Бишілердің "Елка на воде" шоуындағы қойылымынан үзінді. © Үoutube.com


Қыздың жағдайы нашарлап, ленталарды шатастырып алды. © Youtube.com

Екатирина "Жастар" бассейнінің медициналық пунктіне дереу жеткізілді. Бассейн басшылығының мәліметінше, қыз ол кезде есін білген.

"Медициналық қызметкер жедел жәрдем өкілімен бірге оған алғашқы көмек көрсетті. Қан қысымын өлшеді. Қысымы жоғарылап кеткен екен. Біз не болғанын сұрадық. Ол: "Қойылым кезінде басым қатты ауырды, күшім кетіп қалды", - деп жауап берді", - деді Михаил Коновалов.


"Жастар" бассейнінің басшысы Михаил Коновалов. © ТТК

Жедел жәрдем қызметкерлері Екатиринаға алдын ала диагноз қойды - басішілік қысымның көтерілуі. Қыз жедел түрде қалалық ауруханаға жеткізілді. Бассейн басшылығының мәліметінше, емдеу мекемесі қыздың сауығып кететінін айтқан.


Теміртау орталық ауруханасы. © ТТК

"Кезекші дәрігермен хабарластық. Ол қыздың қысымы қалыпқа түсіп келе жатқанын айтты. Жексенбіде үйіне шығарылатынын да жеткізді. Біз барлығы дұрыс деп ойладық. Дүйсенбі күні оның жансақтау бөлмінде жатқанын естідік. Біз мұнда келгенде Катяның инсульт алғанын, комада жатқанын білдік", - деді Коновалов.


Екатерина Кокурина

34 жастағы Екатирина қойылымнан төрт күн өткен соң ауруханада қайтыс болды. 5 қаңтар күні оны жақындары мен достары ақтық сапарға шығарып салды.


© ТТК


© ТТК

"Жағдай осылай болды. Бұл кез келген уақытта болуы мүмкін. Инсульт айтып келмейді. Ол денсаулығында кінәрат барын білмеген", - деді қыздың құрбысы Зарина Мальцева.


Екатеринаның құрбысы - Зарина Мальцева. © ТТК

"Оны танитындар үшін бұл үлкен қайғы. Екатирина жарқын, жақсы адам болды. Керемет жаттықтырушы еді", - деді Екатиринаның тағы бір құрбысы Виктория Маковецкая.


Екатиринаның құрбысы - Виктория Маковецкая. © ТТК

Екатерина Кокурина Теміртаудағы белгілі Lady Vertigo би студиясын басқарды. Биші ол жерде қыздарды акробатикаға үйретті. Екатиринаның артында 12 жастағы ұлы қалды.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай