1. Басты
  2. Біл
  3. Оқиға
  4. Тосын жай

Теміртауда мектеп маңынан адам мәйіті табылды

© Instagram.com © Instagram.com

Теміртауда мектеп маңынан адам мәйіті табылды. Ресми мәліметтерге қарағанда, мәйіттің кімге тиесілі екені анықталды, - деп хабарлайды Tengrinews.kz тілшісі.

Осыған дейін WhatsApp пен Instagram желілерінде Теміртауда № 2 мектептің маңынан зорланды делінген 10 жастағы қыздың денесі табылғаны жайлы мәліметтер пайда болған еді.

Алайда облыстық ІІД баспасөз қызметіндегілер бұл мәліметті жоққа шығарды. Ресми мәліметтерге қарағанда, табылған мәйіт кішкентай балаға емес, ер адамға тиесілі.

"Теміртауда № 2 мектептің маңынан 1969 жылғы ер адамның мәйіті табылды. Сараптамалар тағайындалып, нәтижесі бойынша ер адамның мұздап қалып қайтыс болғаны анықталды. Оның аты-жөні анықталды", - деп хабарлады облыстық ІІД баспаөз қызметінің жетекшісі Бақытжан Құдияров.