1. Басты
  2. Біл
  3. Оқиға
  4. Тосын жай

Терезенің торы құтқармады - Алматыда үш жасар бала көпқабатты үйден құлап түсті

КТК КТК

Алматыда 3 жасар бала төртінші қабаттан құлап қаза тапты. Қайғылы оқиға 2 тамызда Қонаев көшесіндегі көпқабатты үйлердің бірінде болған, - деп хабарлайды КТК тілшісі.

Болжам бойынша, кішкентай бала төменге қарай байқаусызда ырғып кеткен. Биіктіктен құлап басынан ауыр соққы алған бүлдіршін жедел жәрдем жеткенше тілге келместен көз жұмды. Көпқабатты үйде тұратын көршілерінің айтуынша, 3 жасар бала жерге құлаған соң анасы далаға қарай жүгірген. Ол ұлының терезе жақтауына мінгенін байқамаған көрінеді. Бала құлаған жерде терезенің торы да жатыр. Қазір жедел тергеу тобы оқиғаның мән-жайын анықтауға кірісті.

Дереккөз: КТК