Тікұшақ апатынан қаза болған ұшқыштың кім екені анықталды 17 қаңтар 2019, 17:36
Алматыда шипажай аумағына құлаған тікұшақта Валентин Шитов болғаны анықталды, ол жедел жәрдем көлігінде қайтыс болды, - деп хабарлайды Tengrinews.kz тілшісі ҚР ИДМ Азаматтық авиация комитетінің баспасөз қызметіне сілтеме жасап.
"2019 жылдың 17 қаңтарында жергілікті уақыт бойынша сағат 15.59-да Sky-service әуекомпаниясына тиесілі "Еврокоптер-130" тікұшағы құлады. Ол Боралдай әуежайынан шығып Үлкен Алматы көліне ұшып бара жатқан кезде құлады. Бортта тек ұшқыш болған - Шитов Валентин Викторович, оны анықтаған кезде тірі болатын. Бірақ ауруханаға барар жолда жедел жәрдем көлігінде қайтыс болды", - деп хабарлады комитеттегілер.
Алматыда шипажай аумағына тікұшақ құлады
ҚР ИДМ Көлік оқиғалары мен оқыс оқиғаларды тергеу департаментінің өкілдері тергеу бастады.
- ПОДЕЛИТЬСЯ