1. Басты
  2. Біл
  3. Оқиға
  4. Тосын жай

"Тұншығып қала жаздады". Жаңа туған нәрестені жолдың бойына қалдырып кеткен

1tv.kz 1tv.kz

Түркістан облысында полицейлер жаңа туған нәрестені жолдың бойында тастап кеткен ананы іздестіріп жатыр, - деп хабарлайды "Еуразия" Біріншісі арнасы. 

Сәбиді ауасы жоқ спортқа арналған сөмкенің ішіне қалдырып кеткен. Қызды жергілікті тұрғын тауып алды. Алдын ала мәліметтер бойынша, бала табылмас бұрын 4 сағат бойы сөмкенің ішінде жатқан. Бала тұншығып қала жаздаған. 

"Мен қыздарыммен бірге сөмкені ашқанымда, бала қып-қызыл болып кетті. Басында өліп қалған шығар деп ойладым. Бірден көршіме бардым, себебі, ол - дәрігер. У-шу болып кеткенде, сәби жылап жіберді", - дейді Әсия Омарова.

Кейіннен бала ауруханға жеткізілді. Дәрігерлердің айтуынша, қыз 4 күн бұрын дүниеге келген, аты Айым. Түркістан облысының полиция қызметкерлері қыздың анасын іздестіріп жатыр.