Түркістанда қонақүйдегі өрт салдарынан газ баллоны жарылды

14 Қыркүйек, 13:19
0
Түркістанда қонақүйдегі өрт салдарынан газ баллоны жарылды - © Тұрар Қазанғапов
© Тұрар Қазанғапов

Түркістанда "Яссы" қонақүйі өртеніп, соның салдарынан газ баллоны жарылды, - деп хабарлайды Tengrinews.kz тілшісі ҚР ІІМ ТЖ Комитетінің баспасөз қызметіне сілтеме жасап. 

"14 қыркүйекте 11:04-те "101" пультіне Түркістан қаласындағы Саттарханов көшесінің бойындағы "Яссы" қонақүйінде өрт шыққаны туралы хабар түсті. Ғимараттың шатырында өрт шыққан, артында екінші қабатта тұрған газ баллоны жарылған. Өрт сөндірушілер қонақүйден 10 адамды эвакуациялады", - дейді ТЖК ресми өкілі Нұрсұлтан Нұрахметов. 

Өрт 11:34-те ауыздықталып, 11:52-де толығымен сөндірілді. Өрт аумағы - 150 шаршы метр. 

Зардап шеккендер жоқ. Өрттің неден шыққаны анықталып жатыр. 

Өрт сөндіруге Түркістан облыстық ТЖД жеке құрамының 25 маманы мен 8 арнайы техника жұмылдырылды. Полиция қызметкерлері өрт шыққан аймақты қоршауға алды.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай