Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.58
EUR / KZT - 390.38
CNY / KZT - 49.85
RUB / KZT - 5.63

Түркістанда полицейлерге жұдырық ала жөнелген әйел қамауға алынды

29 Маусым 2015, 12:28
8
© YouTube
© YouTube

Түркістанда полицейлерге жұдырық ала жөнелген әйел қамауға алынды, - деп хабарлайды Tengrinews.kz тілшісі Оңтүстік Қазақстан облысы ІІД баспасөз қызметіне сілтеме жасап. Оқиға түсірілген видео осыған дейін "ВКонтакте" желісінде жарияланған болатын.

Айта кетейік, осыған дейін әйел адам баласын құқық қорғау органы қызметкерлерінің көлігінен шығару мақсатында полицейге шабуыл жасағанын хабарлаған едік. Оның мұндай қадамға күйеуі үшін барғаны кейін белгілі болды. Облыстық ІІД оқиғаның жай-жапсарын айтып берді.

Құқық қорғау органдарының хабарлауынша, 24 маусымда жол-патруль қызметкерлері рұқсат етілмеген жерге қойылған Audi автомобилін байқайды. Полицейлер жүргізушіден құжаттарын сұраған. Ер адам бермейтінін айтады. Осыдан кейін құқық қорғаушылар одан хаттама толтыру үшін полиция көлігіне жүруін сұрайды. Осы кезде жүргізушінің әйелі келіп, полицейлерді балағаттап, құқық қорғау органының қызметкерінің погонын жұлып алған. Бірнеше уақыттан кейін әйел адамға ағасы көмекке келді. Ол да полицейлерді балағаттады.

Нәтижесінде үшеуі де ұсталып, полиция бөлімшесіне жеткізіді. 27 жастағы әйел АІІБ-да жүктіліктің алтыншы аптасында екенін айтып, босатуларын сұрады. Сараптама қорытындысы бойынша оның жүкті емес екені белгілі болды. Қазір оқиға бойынша "Билік өкілдерін қорлау", "Билік өкілдеріне бағынбаушылық" және "Билік өкілдеріне қатысты күш қолдану" баптары бойынша тергеу амалдары жүріп жатыр. Ол 20 мың АЕК-ке дейін айыппұл төлеуі немесе 2 жылға дейін бас бостандығынан айырылуы мүмкін. Оның ағасы мен күйеуі ешқайда кетпеу туралы қолхатпен босатылды. Оларға қатысты "Билік өкілдерін қорлау", "Билік өкілдеріне бағынбаушылық" баптары бойынша сотқа дейінгі тергеу амалдары жүріп жатыр.

Ескерту, бейпіл сөздер қолданылған!    

 

Нравится
Поделиться
Пікірлерді көру (8)
Оқылып жатыр
Талқыланып жатыр
Бүгін
Апта
Ай