1. Басты
  2. Біл
  3. Оқиға
  4. Тосын жай

"Үйді шатастырып алдым". Ақтауда жоғалып кеткен 12 жастағы қыз табылды

Ақтауда жоғалып кеткен 12 жастағы Диана Бекхожаева табылды, - деп хабарлайды Lada.kz тілшісі.

Анасының айтуынша, қыз жақындарына қоңырау шалып, Ақтауда 14-ші микрорайонда қонақта екенін айтқан. 

"Кеше ағасы әлеуметтік желіде парақша ашқаны үшін оған ұрысқан еді. Ол ренжіп, 14-ші микрорайонда тұратын туысына кетіп қалды. Қатты жаңбырдың кесірінен ол үйді шатастырып алған. Үсті су және кеш болып кеткендіктен, бір әйел қызды үйіне кіргізе тұрыпты. Қыз өзі жылап, адасып қалғанын айтты", - деп хабарлады қыздың әпкесі. 

Қазіргі уақытта Маңғыстауда 18 жастағы Гүлшат Үмбетованы іздестіру жұмысы жүріп жатыр. Ол кеше, 23 шілдеде Маңғыстау-5 ауылында үйінен шығып, әлі оралмады.