ӘЧ-2014: Коста-Рика құрамасы он ойыншымен гректерді жеңді

30 Маусым 2014, 08:49
0
ӘЧ-2014: Коста-Рика құрамасы он ойыншымен гректерді жеңді - Костарикалықтардың қуанышы. Сурет eurosport.ru сайтынан алынған
Костарикалықтардың қуанышы. Сурет eurosport.ru сайтынан алынған

Бразилияда өтіп жатқан футболдан әлем чемпионатының 1\8 финал ойынында Коста-Рика құрамасы Греция командасын қапы қалдырды. Кездесу 29 маусым күні болып өтті" - деп хабарлайды Tengrinews.kz Vesti.kz ақпарат құралына сілтеме жасап.

Нидерландының ПСВ командасында доп тебетін Коста-Рика құрамасының шабуылшысы Брайан Руис Гонсалес ойынның 52 минутында есеп ашты. Алайда кездесудің 66 минутында төреші коста-рикалықтардың бір ойыншысын алаңнан қуды. Ойынның екінші кезеңіне қосылған уақыттың алғашқы минутында Сократис Папастатопулос коста-рикалықтардың қақпасына гол соғып, гректер есепті теңестірді.

Қосымша ойын уақыты да жеңімпазды анықтай алмағандықтан, ойын тағдыры 11 метрден доп тебу нәтижесінде шешілді. Бұл бәсекеде коста-рикалықтар мергендік танытып, 5:3 есебімен жеңіске жетті.

Футбол тарихында бұл костарикалықтардың 1\4 финал ойындарына алғаш шығуы. Енді Коста-Рика құрамасы 1\4 финалда Голландия құрамасымен бақ сынайды. Естеріңізге сала кетсек, Голландия құрамасы 2:1 есебімен Мексика командасын ұтқан болатын.

Бұл биылғы мундиалдағы Коста-Рика құрамасының алғашқы тосын сыйы емес. Естеріңізге салса кетсек, "өлім тобында" Италия, Англия және Уругвай командаларымен күш сынасқан костарикалықтар өз тобында бірінші орын алған болатын.

 

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай