Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

"Астана" ел футболы тарихына өз атын алтын әріптермен жазды - Мұхамедиұлы

09 Қараша 2015, 17:28
1
© Тengrinews.kz
© Тengrinews.kz

ҚР мәдениет және спорт министрі Арыстанбек Мұхамедиұлы "Астана" клубын Қазақстан чемпионы атануымен құттықтады. Ол елордалық команданың Қазақстан футболы тарихына өз атын алтын әріптермен жазғанын айтты, - деп хабарлайды Vesti.kz.

"Соңғы жылдары қазақстандық футбол зор жеңістерге қол жеткізіп жатыр. "Астана" футбол клубы мемлекетіміздің үздік топтарының ішінде үздігі ретінде Қазақстан футболы тарихына өз атын алтын әріптермен жазды. Бұның нағыз айғағы - елордалық команданың Чемпиондар Лигасындағы топтық кезеңге өтіп, әлемнің ең үздік топтарымен тең өнер көрсетуімен қатар, осы отандық маусымның чемпионы атағын екінші рет жеңіп алуы", - деп жазылған құттықтау хатында.

Сонымен қатар, министр "Астана" командасының жеңісі барша елордалықтар мен клуб жанкүйерлері үшін қуанышты оқиғаға айналғандығына тоқталып өтті.

"Қазақстандық премьер-лига шеңберіндегі қарсыластарымен тартысты бәсекеге және Чемпиондар Лигасындағы күрделі ойындарға қарамастан, "Астана" клубының мүшелері нағыз спортшыға тән қайсарлық пен шеберлік таныта білді. Осының барлығы жылдар бойы спортшылар мен олардың жаттықтырушыларының атқарған зор еңбегінің жемісі деп білеміз", - деді ол.

Арыстанбек Мұхамедиұлы "Астана" футбол клубының барлық мүшелері, жаттықтырушылары мен спортшыларына Чемпиондар Лигасында жалғасып жатқан ойындарында сәттілік, жаңа табыстар, жаңа жетістіктер мен жаңа спорттық биіктерді бағындыра берулеріне тілектігін білдірді.

Еске сала кетейік, "Астана" футбол клубы "Ақтөбе" командасын жеңіп, Қазақстанның чемпионатын екінші мәрте жеңіп алған болатын. 


Нравится
Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай