Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Футболдан ел чемпионатының әлем кубогынан несі кем?

23 Маусым 2014, 15:29
0
Фото pfl.kz сайтынан
Фото pfl.kz сайтынан

Футболдан Қазақстан премьер-лигасында он жетінші турдың ойындары Бразилиядағы әлем кубогы додасынан кем түскен жоқ, деп хабарлайды Tengrinews.kz.

Бразилиядағы әлем чемпионатында бір ойында ең көбі жеті гол соғылса (Франция – Швейцария – 5:2), Қазақстан біріншілігіндегі "Астана" мен "Ертіс" арасындағы матчта теңбіл доп қақпа торын сегіз рет бүлк еткізіп, одан да асып түстік.

Қазақстан біріншілігіндегі ХVІІ турда да АҚШ пен Португалия арасындағыдай таразы басы соңғы секундтарда теңестіріліп, ойын 2:2 есебімен аяқталды ("Қайсар" – "Ақтөбе" кездесуінде).

Қазақстан чемпионатының ХVІІ-турында да 11 метрлік айып соққысы (пенальти) аз болған жоқ...

Өз еліміздің додасында да бірінші өз қақпасына гол жіберіп алып, содан соң жеңісті жұлып әкеткен командалар бар...

Қазақ додасында да ел чемпионатының екінші бөлігінде үздік алтылықта додаға түсіп, жүлделі орындарды сарапқа салу үшін бірнеше команда соңғы екі "жолдамаға" таласып жатыр.

Нақтырақ айтқанда, алдағы бес турда 5-10 командалар үздік алтылыққа ілігу үшін бар күш-жігерлерін салып, қамшыны басулары керек.

Тізе берсек, өз додамыздың да осындай тартысты ойындары мен қызықты тұстары баршылық. Ең бастысы, Еурокубоктарда ел намысын қорғайтын клубтарымыз маусым барысындағы трансферлік кезеңде өз құрамдарын екшеп, нығайтып жатыр.

Қазақстан чемпионаты. Премьер-лига. ХVІІ тур.

"Қайсар" (Қызылорда) – "Ақтөбе" – 2:2
Голдар: Землянухин, 14 (1:0). Зенькович, 50-пенальтиден (1:1). Пиззелли, 72 (1:2). Хунт, 90+2 (2:2).

"Қайрат" (Алматы) – "Тобыл" (Қостанай) – 3:1
Голдар: Плиев, 5 (1:0). Волков, 51 (1:1). Қуантаев, 76 (2:1). Исламхан, 89 (3:1).

"Астана" – "Ертіс" (Павлодар) – 5:3
Голдар: Кетевоама, 5 (1:0). Сисеро, 17 (2:0). Бакаев, 23 (2:1). Дудченко, 31 (2:2). Кояшевич, 32 (3:2). Тотай, 47 (3:3). Сисеро, 62 (4:3). Жолшиев, 90+1 (5:3).

"Ордабасы" (Шымкент) – "Шахтёр" (Қарағанды) – 2:1
Голдар: Порываев, 6 (0:1). Касьянов, 53 (1:1). Нұрғалиев, 58 (2:1).
28 минутта Нұрғалиев (О) пенальти соға алмады.

"Атырау" – "Тараз" – 3:0
Голдар: Трифунович, 12-пенальтиден. Трифунович, 37. Одибе, 45.
90 минутта Яровенко (Т) пенальти соға алмады.

"Жетісу" (Талдықорған) – "Спартак" (Семей) – 1:0
Гол: Шафф, 16.

Қазақстан премьер-лигасындағы ХVІІ-турдан кейінгі жағдай:

1. "Ақтөбе" – 35 ұпай
2. "Қайрат" – 30
3. "Астана" – 30
4. "Шахтер" – 29
5. "Қайсар" – 27
6. "Ордабасы" – 25
7. "Атырау" – 24
8. "Ертіс" – 21
9. "Тобыл" – 21
10. "Жетісу" – 19
11. "Тараз" – 14
12. "Спартак" – 6


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай