"Қайрат" - "Бордо" кездесуінің билеттері таусылып қалды

25 Тамыз 2015, 18:37
0
"Қайрат" - "Бордо" кездесуінің билеттері таусылып қалды - © Fckairat.kz
© Fckairat.kz

Алматыдағы Орталық алаңның кассасында Еуропа лигасының плей-офф кезеңіндегі "Қайрат" пен "Бордо" (Франция) қарымта кездесуінің билеттері таусылып қалды, - деп хабарлайды Vesti.kz.

Билеттер алғашында Интернет арқылы сатылды. Кейін Интернет сатылым тоқтатылып, қалған орындар касса арқылы сатыла бастады. Матчқа екі күн қалғанда билеттердің барлығы сатылып бітті.

Айта кетейік, Алматыдағы Орталық алаң 23 807 адамға арналған. Бұл матчқа адамдардың көп келетінін білдіреді. Сонымен қатар, футбол жанкүйерлері матч кезінде флешмоб қоятындарын хабарлады.

Әлеуметтік желілер арқылы түрлі ұсыныстар түсіп жатыр. Жанкүйерлердің бірі 20-шы минутта үнсіздік жариялап, сосын бірден "Қайрат" деп айқайлауды ұсынды. Төмендегі видеода "Бешикташ" жанкүйерлерінің матч кезіндегі осындай әрекеті бейнеленген.

Сонымен қатар, 50-ші минутта шам жағып "Оле-оле, "Кайрат" - чемпион" деп айғайлау да ұсынылды. Толығырақ мына жерден оқи аласыздар.

"Қайрат" пен "Бордо" қарымта ойыны 27 тамызда сағат 20.45-те басталады. Кездесуді "Қазақстан" телеарнасы тікелей таратады. Еске салайық, алматылық "Қайрат" клубы Еуропа лигасының плей-офф раундының бірінші ойынында француздың "Бордо" командасынан жеңіліп қалған болатын.

 

 

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай