Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

"Қайрат" Еуропа Лигасының плей-офф кезеңінде "Бордо" клубымен бірінші кездесуін өткізеді

20 Тамыз 2015, 08:59
0
© Massaget.kz
© Massaget.kz

21 тамызға қараған түні алматылық "Қайрат" клубы Еуропа Лигасының плей-офф кезеңінде Францияның "Бордо" командасына қарсы алғашқы матч өткізеді. Екі команда арасындағы кездесу Бордоның "Стад Бордо-Атлантик" стадионында Астана уақыты бойынша сағат 00.30-да басталады. Матчты "Қазақстан" арнасы тікелей эфирде таратады, - деп хабарлайды Vesti.kz.

Tennisi.kz букмекерлік кеңсесінің болжамы бойынша, бұл кездесуде "Бордо" 1:0 есебімен жеңіске жетеді. Команданың жеңу коэффициенті - 5.30. Владимир Вайсс шәкірттерінің 1:0 есебімен жеңу коэффициенті - 19.00. Ойынның 0:0 болып аяқталуына қойылған коэффициент - 10.30.

19 тамызда "Қайрат" Францияға барды.

Кездесу алдында Бордо қаласында Владимир Вайсстың қатысуымен баспасөз мәслихаты өтті. "Қайраттың" бапкері кездесуден "топтан шығуға таласуға мүмкіндік туғызатындай нәтиже" күтетінін жеткізді. "Өз алаңында қабылдаған команда екінші ойынға күшін сақтайды, ал біз болсақ жауапты ойынның қарсыластарымызға қиын болуы үшін барымызды саламыз", - деді Вайсс. "Ертең қолымыздан не келетінін көрсетеміз", - деді ол.

Владимир Вайсс. © "Кайрат" ФК 

"Бордо" президенті Жан-Луи Трио өз кезегінде клубтың ресми сайтына сұхбат беріп, Еуропа Лигасының топтық кезеңіне жолдама алудың маңызын, сонымен қатар, шәкірттерінің мұндай командамен бұрын ойнамағанын айтты. "Иә, мен олар туралы көп білмеймін. Дегенмен жеңу маңызды болғандықтан тырысамыз. Биыл Еуропа Лигасы біз үшін маңызды. Шынымды айтсам, мұндай қашық жерге бару ыңғайсыз. Қытайдан жүз шақырым қашықтықта жатқан ел үшін жеті сағат ұшу қолайлы емес. УЕФА-ның бұрынғы КСРО-ның орнына 25-30 футбол командасын құруы өрескел шешім. Бәрібір командамызға бұл тәжірибе болады. Қазақстанда көп команда ойнап үлгерді деп ойламаймын", - деді Трио.

Жан-Луи Трио. © fcbordeaux.ru

20 тамызда "Қайрат" футболшылары "Стад де Бордо" жаңа стадионында жаттығу өткізді.

© "Кайрат" ФК 

 

Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай