1. Басты
  2. Біл
  3. Спорт
  4. Футбол

Қазақстан футбол құрамасы Тәжікстан командасын жеңіп шықты

Қазақстан құрамасының ойыншылары. Фото ҚФФ сайтынан Қазақстан құрамасының ойыншылары. Фото ҚФФ сайтынан

Футболдан Қазақстан құрамасы жолдастық кездесуде Тәжікстан командасын жеңді, - деп хабарлайды Vesti.kz.

Алматының Орталық стадионында өткен кездесу Юрий Красножан командасының пайдасына шешілген 2:1 есебімен аяқталды.

36-минутта есепті Бауыржан Исламхан ашты. Екінші таймда тәжіктер белсенді ойнады, Фарход Тохиров 57-минутта гол салды.

Бірақ алты минуттан соң Ұлан Қонысбаев тең есепті бұзып, Қазақстан құрамасын алға шығарды.
Кездесудің видеосын мына жерден көруге болады.

Бұған дейін Қазақстан мен Тәжікстан құрамалары үш рет кездескен болатын. Қазақстан футболшылары екі рет жеңіске жетіп, бір рет тең ойнады. Қазақстан құрамасы ФИФА рейтингінде 127-орында, Тәжікстан болса, үш орын жоғары тұр.