1. Басты
  2. Біл
  3. Спорт
  4. Футбол

Қазақстан ұлттық құрамасы ФИФА рейтингінде жоғарылады

Сурет kff.kz сайтынан Сурет kff.kz сайтынан

Футболдан Қазақстан ұлттық құрамасы ФИФА рейтінгінде тоғыз саты жоғарылап, 118-орынға көтерілді, - деп хабарлайды Tengrinews.kz отандық футбол федерациясына сілтеме жасап.

Қазақстан футбол федерациясының ресми сайты бүгін сүйінші сұрап, осындай ақпарат таратты. Қазақстан ұлттық құрамасы соңғы рейтингідегі орнымен салыстырғанда тоғыз саты жоғарылапты. "Бұл – ұлттық құрамамыздың соңғы бес жылдағы ең үздік көрсеткіші", деп жазды Қазақстан футбол федерациясы.

ФИФА-ның 13 наурызда жарияланған рейтінгінде Қазақстан ұлттық құрамасының 213 ұпайы болған. Ал бүгін, яғни 10 сәуірде жарияланған тізімінде 235 ұпайы бар екен.

Біздің құрама ТМД елдері ішінде Тәжікстан (133-орын), Қырғызстан (147-орын) және Түркіменстан (156-орын) футболшыларынан жоғары тұр. Ал көш басында – Испания (1460 ұпай), Германия (1340) және Португалия (1245) құрамалары.