Месси "физика заңдарына бағынбайтын" трюк жасады

10 Ақпан, 12:54
0
© instagram/leomessi
© instagram/leomessi

"Барселонаның" шабуылшысы Лионель Месси Instagram әлеуметтік желісіндегі парақшасында "физика заңдарына бағынбайтын" трюк көрсететін видео жариялады, - деп хабарлайды Eurosport тілшісі.

Видеода аргентиналық футболшы доптың үстіне газдалған сусынды қойып, кейін тепкенде, бөтелке өз өсімен айналып жерге нық түседі, ал доп ұшып барып, шығыршықтың дәл ортасынан өтеді.

Леоның парақшасында видео бір тәуліктің ішінде 17 миллионнан аса қаралым жинады. Алайда трюктың шынайы жасалғанына күмән келтіргендер де болды.

Кей басылымдар видеоны кадрға бөліп, мұның сиқыр емес, жәй ғана монтаж екенін айтқан. Себебі бөтелке жерге түскенде ұзақ шайқалып тұрмаған.

Леодан бірнеше күн бұрын Мохамед Салах та осыған ұқсас видео жариялаған.

Посмотреть эту публикацию в Instagram

Behind the scenes...

Публикация от Mohamed Salah (@mosalah)

Sports.ru журналистері мән-жайды анықтау үшін футбол жайлы айтатын танымал YouTube блогері Герман Попковпен (German El Classico) байланысып көрді. Оның айтуынша, видеода көрсетлген нәрсе шынайы.

"Екі жағдайда да бұл монтаж емес. Біріншіден, бұл трюкті жасау қиын емес, мен бірнеше рет қайталап көргенмін. Бұл қарапайым "боттл флип челлендж", ал сақинаға кіргізу оңай. Допты астынан тебу керек. Ал бөтелке шамамен бес рет мүмкіндіктің екеуінде түседі. Ең бастысы суды аз құйып, түбі кең бөтелкені таңдау керек", - дейді ол.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай