"Реал" Роналдудың келісімшарты аяқталғаннан соң Неймарды сатып алуды жоспарлап отыр

07 Қараша 2017, 12:50
0
"Реал" Роналдудың келісімшарты аяқталғаннан соң Неймарды сатып алуды жоспарлап отыр - © itsroundanditswhite.co.uk
© itsroundanditswhite.co.uk

Мадридтік "Реал" клубының президенті Флоренино Перес "Барселонаның" бұрынғы шабуылшысы осы маусымның басында "ПСЖ-ға" ауысқан Неймарды ұмытқан емес, - деп хабарлайды Mundo Deportivo.

Перес каталониялық клубтың экс-басшысы Сандро Росельдің 2013 жылы Бразилия құрамасының әрі "Сантос" клубының шабуылшысын алуға кедергі жасағанын әлі де қабылдай алмай жүр. Неймар "ПСЖ" клубына 222 миллион еуроға келді.

Дереккөз мәліметінше, Перес Неймардың әкесімен кездесіп, футболшының "корольдік клубқа" ауысуы жайлы сөйлескен. Негізгі ұсыныстардың бірі Неймардың клубқа Роналдудың келісімшарты аяқталған бетте келуі, яғни 2021 жылы. Алайда "Реал" Неймардың ол мерзімнен бұрын келуіне де қарсы емес.

Өз кезегінде "ПСЖ" Неймарды сату туралы ойы да жоқ екендерін жеткізді. Париждік клубтың президенті Нассер Аль-Хелаифи өз қызметкерлеріне бразилиялықтың "ПСЖ" сапында өзін емін еркін сезінуге барлық жағдайды жасауды тапсырған.

Неймардың келісімшарты 2022 жылдың жазына дейін жасалған.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай