+7 (777) 001 44 99
ПОДЕЛИТЬСЯ
Жануарларды Түменнен Қазақстанға жүк көлігінің үлкендігіндей ванналарға салып әкелді. Олар 2200 шақырым жол жүрді. Олардың суы жол бойы ауыстырылды. Оларға төтенше жағдай министрлігінің мамандары көмектесті. Жылжымалы дельфинарий көбінесе Ресей қалаларын көп аралайды, бірақ қазақстандық көрермендер алдына бұл "әртістер" бірінші рет шықты.
Белуха китінің есімі - Данди. Ол 11 жаста. Бапкердің айтуынша, оның мінезі өте салмақты. Ол күшті қажет ететін жаттығуларды орындайды, құйрығымен ілулі тұрған допты ұрады, бапкерін арқасына мінгізіп сырғанатады.
Дельфиндер адамдарды да арқасына мінгізіп жүргізе алады. Бірақ екі адамды ғана. Бапкерлер жаңа бағдарлама шығаруды жоспарлап отыр. Сергей Гриневтің айтуынша, Ресейде бапкерлерге арналған жеке мектеп жоқ. Ол өзі бұл істі жануарларды күтуден бастаған.
Дельфиндер мен белуха киті мереке күндері бір күнде үш рет, ал жай күндері бір рет өнер көрсетеді. Мамандардың мәлімдеуінше, цирк дельфиндерінің өмір сүру ұзақтығы қысқармайды. "Еркіндікте оларға антибиотик жоқ, емделмейді. Оларда тамақтанудың да мұндай тәртібі жоқ", - дейді дельфиндердің бапкері.
Бапкерлердің айтуынша, бұрын жануарларды өнер көрсету үшін алу оңай болған. Әдетте үйірінен қалып қалған немесе балықшылардың ауына түсіп қалғандары берілетін. Қазір тек қамауда өсірілгендерін ғана пайдалануға болады.
Бапкерлердің айтуынша, оларға ешқашан мәжбүрлеп тамақ берілмейді. Ол денсаулыққа зиян.
Әртіс дельфиндер табиғи жағдайда өмір сүре алмайды. Олар үйірлеріне де қосыла алмайды. Жануарлар аулау икемін бірден ұмытып қалады.
Дандиге ноталардың төңкеріліп тұрғаны ұнамайды.
Қайырымдылық бағдарламасы аясында концертті алғашқы болып мектеп оқушылары тегін көрді.
Дельфинарий ғимаратын орнатуға 1,5 ай уақыт кетті.
Мамандардың айтуынша, тұрақты дельфинарий тұрғызу үшін оның құрылысына екі жылдан артық уақыт қажет.
