+7 (777) 001 44 99
ПОДЕЛИТЬСЯ
"Жұлдыз FM" студиясы мен кеңселеріне мерекелік безендіру ілінді, ал радио қызметкерлері жарқын көңіл-күйде жұлдызды қонақтарын тағатсыздана күтті.
Туған күн иелерін бірінші болып ережесіз жекпе-жектен танымал спортшы ағайындар Ардақ пен Бейбіт Назаровтар құттықтап келді.
Ал сағат 10-дар шамасында Нұржан Керменбаев пен Ғаділбек Жанай келіп, радио жүргізушісі Жасұлан Қалимен әңгіме-дүкен құрды.
Жарты сағат өткеннен кейін үштікке әнші Мәдина Сәдуақасова қосылды.
Жасұлан Қали мен Нұржан Керменбаев
Қонақ болып келгендер радиостанцияны көтеріңкі көңіл-күймен бір жылдықтарымен құттықтаумен болды. Ал Ғаділбек Жанай Нұржан Керменбаевқа шым- шым әзіл айтты: "70-ке келген шағыңда саған Қапкереке дейтін шығармыз", - деді ол әншінің Қапқарашка деген лақап атына меңзеп.
Сондағы Керменбаевтың көңіл-күйі...
Бұл уақытта Мәдина Сәдуақасова Instagram желісіндегі тыңдарманымен байланысып үлгеріп жатты.
Тіпті фотоаппарат объективіне де қарап үлгереді.
Бұдан кейін радиоға "Алашұлы" тобының әншілері келді.
"Алашұлы" тобы
Жігіттер репертуарларындағы бірнеше әнді тікелей эфирде орындап берді.
Ал Әли Оқапов "Жұлдыз FM" тыңдармандарына ән-шашу тарту етті.
Әртістерге Live-бенд музыканттары көмектесті.
Студияда болып жатқанның бәрін СТВ телеарнасы тікелей эфирде таратты.
Live-бенд музыканты
"Жұлдыз FM"-ді "Меломен" тобы да құттықтап келді.
"Жұлдыз FM" студиясында "Орда" тобы
Кешкі уақытта радионың көңілін көтеруге "Өнер қырандары" келіп, әзілдерін айтты.
Олардың әзілдері тыңдармандарға жаққанға ұқсайды, "Жұлдыз FM"-нің әлеуметтік желілердегі парақшаларына жазылған қолданушылар мақтасып жатты.
Сонымен қатар, әзілкеш жігіттер тыңдармандардың да әзіл-қалжыңға толы әңгімесін тыңдап, бағасын берді.
Tengrinews.kz сайтының қазақша нұсқасының жетекшісі Ардақ Құлтай да әріптестерін құттықтауға келді.
Ал бұл радиостанцияның шығармашыл ұжымы
"Жұлдыз FM" жетекшісі Мадина Уморбекова
Радио жүргізушісі Анар Мыңбаева
Жасұлан Қали
Радиостанцияның көп жұмысшысының еңбегі микрофоннан тыс қалып жатады, алайда дәл осы шығармашылық ұжымының еңбегінің арқасында тыңдарман сапалы музыкалыө өнімді тыңдайды.
