Apple 2017 жылы iPhone смартфонының тек екі нұсқасын таныстыруы мүмкін - БАҚ

28 Сәуір 2017, 13:07
0
Apple 2017 жылы iPhone смартфонының тек екі нұсқасын таныстыруы мүмкін - БАҚ - © AppleInsider.com
© AppleInsider.com

Apple компаниясы 2017 жылы iPhone смартфонының үш моделін емес, тек екі моделін таныстыруы мүмкін, - деп жазады iGuides.ru MICGadget басылымына сілтеме жасап.

Басылымның мәліметінше, Apple 2017 жылы iPhone-ның үш моделін таныстыруы керек болған: 7s, 7s Plus және iPhone 8. Алайда жақында MICGadget басылымы компанияның 2017 жылы тек екі модельді шығаратынын хабарлады.

Сондай-ақ, аноним дереккөздердің мәліметтеріне сүйенсек, Foxconn зауыты тек екі смартфонға тапсырыс алған. Бірақ кейбір сарапшылар таралып жатқан мәліметтерге қарамастан биыл күздің соңында iPhone 8 смартфоны шығатынын айтып жатыр.

Осыған дейін iPhone 8 смартфонының сыртқы келбеті кәдімгі iPhone телефондарына ұқсас болатыны хабарланған еді. Белгісіз дереккөздің мәліметінше, бұрынғы модельдерге қарағанда жаңа смартфонның арты және бүйірі дөңес болып келеді. Осылайша компаниядағылар осыдан он жыл бұрын шыққан ең бірінші моделінің дизайнын қайтармақшы. 

Сондай-ақ, Apple корпорациясының жаңа iPhone смартфондарына Smart Connector құрылғысын орнататыны айтылған болатын. соның нәтижесінде телефонға әр түрлі аксессуарлар жалғай беруге болады екен.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай