1. Басты
  2. Біл
  3. Техно
  4. Гаджеттер

Петропавл көшелерінде ұялы телефон қуаттайтын және Wi-Fi тарататын орындықтар пайда болды

Петропавл көшелеріне smart орындықтар қойылып жатыр, деп хабарлады "Хабар 24" телеарнасы.

Телеарнаның мәліметінше, енді тұрғындар ұялы телефондарын көшеде сымсыз қуаттай алады.

"Бұл - "Ақылды қала" бағдарламасының аясында жүзеге асқан жобалардың бірі. Цифрлық ноу-хау адамдар көп жүретін басты және орталық алаңдарға қойылған. "Ерекше" орындықтар емен ағашынан жасалған. Сондықтан, жауын-шашын мен аптап ыстықта бүлінбейді", - деп хабарлады тілші.

Тағы бір артықшылығы - орындықтар күн сәулесінен қуат алады. 

"Қаланың орталық алаңдарында төрт smart орындық орнатылды. Олар тегін Wi-Fi да таратады. Енді тұрғындар көшеде серуендеп қана қоймай, ұялы телефондарын қуаттай алады", - деді қалалық әкімдік бөлімінің бас маманы Асхат Рамазанов.