Facebook лентада "айғайлап тұратын" тақырыптармен күресу жолын тапты

05 Тамыз 2016, 12:39
0
Facebook лентада "айғайлап тұратын" тақырыптармен күресу жолын тапты - © wersm.com
© wersm.com

Facebook адамдарды шатастыратын кликбейт тақырыптармен күресу алгоритмін ойлап тапты. Бұл туралы Reuters агенттігі компанияның ресми сайтында жарияланған хабарламаға сілтеме жасай отырып хабарлады.

"Біз кликбейт тақырыптарды бақылап отыратын жүйе құрастырдық. Ол кликбейт тақырыптарда жиі қолданылатын, бірақ басқа тақырыптарда қолданылмайтын сөздерді анықтап отырады. Бұл электрондық пошталарда спам-сүзгі қызметінің жұмысына ұқсас", - деді компаниядағылар.

Facebook кликбейт тақырып деп мақаланың мазмұнын түсіну үшін тақырыпта мәлімет болмайтын және асыра сілтеу (оқырмандарды жаңылыстыру үшін) сөздердің қолданылатын жағдайларын атап отыр. Сары жолақты немесе кликбейт тақырыптарын көп қолданатын сайттардың жаңалығы қолданушылар лентасында енді азая бастайды, дейді компаниядағылар. Алайда бұл жаңа функцияның қазақ тілді сегментте жұмыс істей ме, жоқ па, белгісіз.

Осыған дейін де Facebook лентадағы кликбейт тақырыптарды жоймақ болған еді. Ол кезде, әлеуметтік желі пайдаланушылары тым аз уақыт жұмсағандықтан, компания сайт мақалаларының санын төмендеткен.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай