16 желтоқсан Хьюстонда Қазақстан Тәуелсіздігі күні деп жарияланды

18 Желтоқсан 2014, 19:34
0
16 желтоқсан Хьюстонда Қазақстан Тәуелсіздігі күні деп жарияланды - ©e-history.kz
©e-history.kz
16 желтоқсан Хьюстонда Қазақстан Тәуелсіздігі күні деп жарияланды - ©ҚР СІМ баспасөз қызметі
©ҚР СІМ баспасөз қызметі

Хьюстон қаласының әкімі Анис Паркер Қазақстан Тәуелсіздігінің 23 жылдығына орай 2014 жылдың 16 желтоқсанын Қазақстан Тәуелсіздігі күні деп жариялады, - деп хабарлайды Tengrinews.kz тілшісі ҚР Сыртқы істер министрлігінің баспасөз қызметіне сілтеме жасап.

"Жуырда Қазақстанның АҚШ-тағы елшісі Қайрат Омаров Техас штатының Хьюстон қаласына іс-сапармен барды. Іс-сапар барысында ол Хьюстон қаласының әкімі Анис Паркермен кездесіп, Қазақстан мен Хьюстонның арасындағы сауда-экономикалық және мәдени қарым-қатынастарды нығайтуға қатысты бірқатар мәселелерді талқылады", - делінген хабарламада. Қазақстандық дипломат кездесу барысында елімізде қабылданған инвестициялық жеңілдіктер туралы айтып, Хьюстонда орналасқан компанияларды "Нұрлы жол" бағдарламасы мен EXPO-2017 көрмесіне қатысуға шақырды. 

Кездесу соңында Хьюстон қаласының әкімі Анис Паркер Қазақстан Республикасы Тәуелсіздігінің 23 жылдығына орай 2014 жылдың 16 желтоқсанын Хьюстондағы Қазақстан Тәуелсіздігі күні деп жариялады, - деп мәлімдейді баспасөз қызметінің мамандары.  


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай