2019 жылы қанша шетелдікке Қазақстанда жұмыс істеуге рұқсат берілді?

25 Қараша 2019, 13:58
0
2019 жылы қанша шетелдікке Қазақстанда жұмыс істеуге рұқсат берілді? - © unsplash.com
© unsplash.com

2019 жылы 20 557 шетелдікке Қазақстанда жұмыс істеуге рұқсат етілді, - деп хабарлайды Tengrinews.kz тілшісі Еңбек және халықты әлеуметтік қорғау министрлігінің баспасөз қызметіне сілтеме жасап.

Министрліктің мәліметінше, оның ішінде бірінші санатқа (басшылар мен олардың орынбасарлары)  816, екінші санатқа (құрылымдық бөлімшелердің басшылары) 4 595 рұқсат шығарылды. 

"Шетелдік жұмыс күшін тартуға арналған рұқсаттардың көп бөлігі үшінші (мамандар) және төртінші (білікті жұмыскерлер) санаттарына берілді -  9 656 адам және 1 769 адам. Сондай-ақ маусымдық жұмыстарға - 2 156, корпоратив ауысым аясында жұмыс істеуге 1 565 адам тартылған. Қазіргі уақытта Қазақстанда шетелдік жұмыс күшін пайдаланатын 2 210 жұмыс беруші бар. Оларда Қазақстанның 518,8 мыңға жуық азаматы жұмыс істейді, бұл қызметкерлердің жалпы санының 96 пайызы", - делінген ведомство хабарламасында.

Министрліктегілердің мәліметінше, еңбекші мигранттардың негізгі шыққан елдері Қытай - 4 397 адам, Өзбекстан -  2 254 адам, Үндістан - 1 819, Түркия - 1 845, Ұлыбритания - 1 420 адам.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай