24-26 қаңтар күндері солтүстік өңірлерде 43 градусқа дейін аяз болады

23 Қаңтар 2015, 17:02
0
24-26 қаңтар күндері солтүстік өңірлерде 43 градусқа дейін аяз болады - ©Tengrinews.kz
©Tengrinews.kz

24-26 қаңтар күндері солтүстік өңірлерде 43 градусқа дейін аяз болады, - деп хабарлайды Tengrinews.kz тілшісі "Қазгидромет" республикалық мемлекеттік кәсіпорнына сілтеме жасап.

"Арктикалық ауада қалыптасқан күшті антициклон Қазақстанның солтүстік аудандарына көшті. Оның әсерінен қардың жаууы мен боран әлсірейді, ал аяз күшейе түседі", - деп хабарлайды метеорологтер. Сонымен қатар, "Қазгидромет" РМК өкілдері температураның анағұрлым төмендеуі республиканың солтүстік бөлігінде күтіледі, онда ашық кезде түнгі температура кей жерлерде 40-43 градус аязға дейін төмендейтінін айтады.

Оңтүстік облыстарда да суық болады, түнде кей жерлерде 25-30 градус, шеткері оңтүстікте сынап бағанасы 13-20 градус аязды көрсетеді, бұл климаттық нормадан анағұрлым төмен.

Еске сала кетейік, синоптиктер 2013-2014 жылдардағы қысқа қарағанда осы қыстың салыстырмалы түрде суық болатынын айтқан еді. Мамандар биылғы қыстың құбылмалы болатынын және суық күндер қалың қар мен жауын шашынға өзгеріп отыратынын болжады.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай