+7 (777) 001 44 99
ПОДЕЛИТЬСЯ
7 мамырда өтетін әскери парадқа даярлық аясында Қазақстанның Әскери әуе күштері ұшу жаттығуларын ұйымдастырады, - деп хабарлайды Tengrinews.kz тілшісі ҚР Қорғаныс министрлігінің баспасөз қызметіне сілтеме жасап.
7 мамырда өтетін әскери парадқа даярлық аясында Қазақстанның Әскери әуе күштері ұшу жаттығуларын ұйымдастырады, - деп хабарлайды Tengrinews.kz тілшісі ҚР Қорғаныс министрлігінің баспасөз қызметіне сілтеме жасап.
Шерулік саптың жалпы ұшу ретімен майдан, армия авиациясының және әскери-көлік авиацияcының топтары өтеді. Астанада "Қазақ елі" алаңының үстімен Қазақстан Әскери әуе күштерінің 70-тен астам авиациялық техника бірлігі ұшып өтеді.
ҚР Әскери әуе күштерінің ұшақтары мен тікұшақтары Астана және Қарағанды авиабазаларына көшірілген. Қорғаныс министрлігінің мәліметінше, авиация техникасын көшіру Әуе қорғанысы күштерінің бас қолбасшысы авиация генерал-майоры Нұрлан Орманбетовтің басшылығымен жүзеге асырылған. Мұнда ұшу құрамы жаттығу ұшуларының элементтерін пысықтайтын болады. Кәсіби шеберлік, тәртіп пен бірлесе жұмыс істей білу мәселелеріне айрықша назар аударылады.
"Қазіргі уақытта біз жұп болып және топтық құрамда ұшуды пысықтау үстіндеміз. Біздің ұшқыштар жоғары деңгейде даярланған, олар өз шеберліктерін ұдайы жетілдіріп, шыңдап отырады. Олар мемлекеттік маңызы бар міндетті үздік атқарып шығады деп санаймын", - деп түсініктеме берді Н.Орманбетов.
