Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

900-ден аса отбасы ОҚО-дан Солтүстік Қазақстанға қоныс аударуға дайын - кәсіпкер

12 Шілде 2016, 09:27
0
Петропавл. СҚО. © kazakhstan.travel
Петропавл. СҚО. © kazakhstan.travel

Еңбек күші тым көп оңтүстік өңірдің тұрғындары еліміздің солтүстік аймақтарына қоныс аудару бағдарламасына қызығушылық танытып отыр. Мұндай мәлімдемені Солтүстік Қазақстан облысының әлеуметтік-экономикалық дамуы мәселелеріне қатысты өткен кеңес барысында Ғабит Мүсірепов атындағы ауданның "Ақселеу" ЖШС директоры Серік Малаев жасады, - деп хабарлайды Tengrinews.kz тілшісі ҚР премьер-министрінің сайтына сілтеме жасап.

"Оңтүстік Қазақстан облысының еңбек күші жетіспейтін аудандарында Солтүстік Қазақстан, Павлодар, Шығыс Қазақстан, Қостанай облыстарының әкімдіктерінің және кәсіпорындарының өкілдерімен кездесулер өткізілуде. Соңғы рет мұндай кездесуге оңтүстік Қазақстанның еңбек күші мол аудандарынан үш мыңнан астам тұрғын қатысты. Халықтың қоныс аударуға деген қызығушылығы зор", - деп атап өтті ол.

Малаевтың айтуынша, 900 отбасы тұрғын үймен қамтамасыз етілген жағдайда солтүстік өңірге қоныс аударуға тілек білдірген. Бұған дейін 79 отбасы СҚО-ға қоныс аударып, тұрғын үймен және жұмыспен қамтылған. 

Өз кезегінде ҚР премьер-министрі Кәрім Мәсімов азаматтардың еңбек күші жетіспейтін аймақтарға қоныс аударуы - еліміз үшін маңызды үрдіс екенін атап өтті.

"Осыған байланысты бағдарламаның жүзеге асырылуы жалғасады. Аталған мәселе бойынша Үкіметтің жеке отырысы өтеді", - деп қорытындылады премьер-министр.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай