Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

Cағынтаев Ұжымдық қауіпсіздік кеңесінің отырысына қатысты

15 Қазан 2016, 10:43
0
© pm.kz
© pm.kz

Мемлекет басшысы Нұрсұлтан Назарбаевтың тапсырмасымен ҚР премьер-министрі Бақытжан Сағынтаев бастаған делегация ҰҚШҰ Ұжымдық қауіпсіздік кеңесінің отырысына қатысты, - деп хабарлайды Tengrinews.kz тілшісі премьер-министрдің сайтына сілтеме жасап.

Бақытжан Сағынтаев өз баяндамасында халықаралық лаңкестікпен күрес және осы бағыттағы ортақ әрекеттерді үйлестіру тақырыбын қозғады.  

"Қазақстан әрдайым халықаралық лаңкестікке қарсы ортақ күреске, бәрін қамтитын қауіпке қарсы әрекеттегі ұжымдық күш салысуларды қолдауға атсалысқан, атсалысатын да болады", - деді Бақытжан Сағынтаев өз баяндамасы барысында.

Сондай-ақ, премьер-министр ҰҚШҰ форматында және 2025 жылға дейінгі ҰҚШҰ Ұжымдық қауіпсіздігі Стратегиясында лаңкестік ретінде танылған Бірыңғай ұйымдар тізімін қалыптастыру туралы Ережеге қол қоюдың маңыздылығын баса айтты.

Отырыс қорытындысы бойынша ортақ мәлімдеме қабылданып, 20-дан астам құжатқа қол қойылды, оның ішінде халықаралық лаңкестікке және экстремизмге қарсы әрекет етудің қосымша шаралары туралы шешімдер, сондай-ақ, 2020 жылға дейінгі мерзімдегі ҰҚШҰ-ға мүше мемлекеттердің қарулы күштеріне әскери кадрларды дайындау шешімі бар.

ҰҚШҰ Ұжымдық қауіпсіздік кеңесінің кезекті отырысы 2017 жылы Беларусь Республикасында өтеді.

 

 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай