Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

"Ақ жол" партиясы сайлауға өз кандидатын ұсынудан бас тартты

12 Наурыз 2015, 12:15
0
Тengrinews.kz иллюстрациясы
Тengrinews.kz иллюстрациясы

"Ақ жол" демократиялық партиясы Қазақстандағы кезектен тыс президент сайлауы бойынша өз ұстанымын жария етті, - деп хабарлайды Tengrinews.kz тілшісі.

Партияның ХІІ съезінде "Ақ жол" ҚДП делегаттардың дауыс беру нәтижелері бойынша 2015 жылғы 26 сәуірде өтетін ҚР президентінің кезектен тыс сайлауына Нұрсұлтан Назарбаевтың кандидатурасының ұсынылуын қолдау жөнінде қаулы шығарды. 

Партияның ұстанымын түсіндірген "Ақ жол" ҚДП төрағасы Азат Перуашевтің айтуынша, Қазақстанда Нұрсұлтан Назарбаевқа тең келер саяси тұлға жоқ. "Бизнесті дамыту, Қазақстанның ұлттық мүдделерін жылжыту жолында кім болса да, Назарбаевтан көп еңбек сіңірген жоқ. Бұл біреулерге ұнаса да, ұнамаса да айтайын, Назарбаев өзімен-өзі болған адам емес, ол - барлық посткеңестік кеңістік үшін жаһандық тарихи ауқымдағы тұлға", - деп мәлімдеді Перуашев. 

Оның айтуынша, кез келген саяси партияның міндеті - билік үшін күрес. "Бірақ халықтың шынайы қолдауына ие болған, халықты әкімшіл-әміршіл державаның ешкімге беймәлім провинциясынан тәуелсіз мемлекетке жеткізген Нұрсұлтан Назарбаев қатысатын сайлауға күрес терминін қолдану келмейді. Өйткені бұл өз халқыңның еркіне қарсы келу дегенді білдірер еді", - деді Перуашев. Партия төрағасының пікірінше, кейбір саяси партиялардың өз кандидаттарын Назарбаев фигурасымен қатар қоюға тырысуы қазіргі Қазақстандағы Президенттің ролі мен мәнін орынсыз түрде төмендетеді.

Еске салайық, 11 наурыз күні "Нұр Отан" партиясының ХVI съезінде Нұрсұлтан Назарбаевқа өз кандидатурасын кезектен тыс сайлауға ұсыну жөнінде бастама көтерілген еді. Елдің әр аймағынан барлығы 11 делегат сөз сөйледі, олардың арасында белгілі қоғам қайраткерлері, кәсіпкерлер, ақын-жазушылар мен ғалымдар болды. 

XVІ съезінің қорытындысы бойынша делегаттардың бірауыздан қабылданған шешімімен Нұрсұлтан Назарбаев Қазақстан президенттігіне кандидат ретінде ұсынылды. 

Кезектен тыс президент сайлауы 2015 жылдың 26 сәуірі күні өтеді. Қазіргі уақытта сайлауға қатысқандардың арасында лингвистика комиссиясы емтиханынан үш адам ғана өтті. Олар - қазіргі Қазақстан Президенті Нұрсұлтан Назарбаев, өзін-өзі ұсынушы Лимана Қойшиева мен кандидаттыққа ҚКХП атынан ұсынылған Тұрғын Сыздықов.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай