+7 (777) 001 44 99
ПОДЕЛИТЬСЯ
Ақорда Мемлекет басшысының 2017 жылдың бірінші жартысында қатысқан іс-шараларының видеосын жариялады, - деп хабарлайды Tengrinews.kz тілшісі.
Ақорда Мемлекет басшысының 2017 жылдың бірінші жартысында қатысқан іс-шараларының видеосын жариялады, - деп хабарлайды Tengrinews.kz тілшісі.
Нұрсұлтан Назарбаевтың баспасөз қызметі әлеуметтік желілерде Президенттің жұмыс күндері қалай өтетіні жайлы видеоматериалдар жариялай бастады.
Екі минуттық видео Мемлекет басшысының Facebook желісіндегі парақшасында пайда болды. Президенттің баспасөз қызметінің мәліметінше, Назарбаев жыл басынан бері 39 іс-шараға қатысқан, оның ішінде мемлекеттік орган басшыларының есеп беру кездесуі және жыл сайынғы Қазақстан халқына айтқан жолдаулары бар. Осы уақыт бойы Мемлекет басшысы еліміздегі және шетелдегі оқиғаларға қатысты 9 жеделхат жолдаған және шетел мемлекеттерінің президенттерімен 9 рет телефон арқылы сөйлескен.
Сондай-ақ, Нұрсұлтан Назарбаев үш ай ішінде Ресей, БАӘ, Сауд Арабиясы, Өзбекстан және Әзірбайжан елдерінің президенттерімен кездесіп үлгерді. Алматыда өткен қысқы Универсиада ойындарына қатысып, Қарағанды мен Ақмола облыстарының жұртшылығымен кездесті. Сонымен қатар, қазақстандық журналистерге сұхбат берген еді.
Ақорданың мәліметінше, Мемлекет басшысы 78 нормативтік-құқықтық актіге қол қойған. Олардың 48-і - жарлықтар, 17-сі - өкім және 13-і - заңдар.
Еске сала кетейік, осыған дейін Желіде Қазақстан Президенті Нұрсұлтан Назарбаевтың оқиғаға толы бір күнінің видеосы пайда болған еді.
