Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

АҚШ Қазақстанға қылмыстық істер бойынша көмек көрсететін болды

23 Ақпан 2015, 10:58
0
©ҚР Бас прокуратурасының баспасөз қызметі
©ҚР Бас прокуратурасының баспасөз қызметі
ҚР Бас прокуроры Асхат Дауылбаев пен АҚШ Бас прокурорының орынбасары Брюс Шварцтың кездесуі. ©ҚР Бас прокуратурасының баспасөз қызметі.
ҚР Бас прокуроры Асхат Дауылбаев пен АҚШ Бас прокурорының орынбасары Брюс Шварцтың кездесуі. ©ҚР Бас прокуратурасының баспасөз қызметі.

Қазақстан мен АҚШ арасында Қылмыстық істер бойынша өзара құқықтық көмек көрсету туралы шартқа қол қойылды, - деп хабарлайды Tengrinews.kz тілшісі ҚР Бас прокуратурасының баспасөз қызметіне сілтеме жасап. Бұл - АҚШ-тың Орталық Азия елдерімен қол қойған осы сипаттағы алғашқы келісімі.

Баспасөз қызметінің хабарлауынша, Қазақстанның Бас прокуроры Асхат Дауылбаев АҚШ-қа барған сапарында Американың бас прокурорының орынбасары Брюс Шварцпен кездесіп, зорлық экстремизмге қарсы іс-әрекет жасау бойынша өткен саммит жөнінде пікір алмасты.

"Тараптар ведомствоаралық қарым-қатынасты одан әрі кеңейтуге, Қазақстан және АҚШ құқықтық жүйелері арасындағы ынтымақтастықты жоғары деңгейге жеткізуге дайын екенін білдірді. Қылмыстық істер бойынша өзара құқықтық көмек көрсету туралы шартқа қол қою Дауылбаевтың АҚШ-қа жасаған сапарының қорытындысы болды", - делінген хабарламада.

Айта кетейік, Дауылбаев келісімге қол қоюдың Қазақстан-Америка құқықтық ынтымақтастығын нығайтудағы, қылмыспен күресудегі екі елдің күштерін жұмылдырудағы тарихи маңызды әрі елеулі оқиға екенін атап өтті. Келісімге қол қою, екі елдің ішкі мемлекеттік рәсімдері аяқталған соң, қазақстандық және америкалық уәкілетті органдардың тергеу, қылмыстық қудалау және қылмыстық құқықбұзушылықтардың алдын алу саласында, сонымен қатар қылмыстық істерге қатысты тексерулер жүргізу бойынша бір-біріне белсенді құқықтық көмек көрсетуге мүмкіндік береді. 
 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай