Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Ақтөбедегі атыста қаза тапқан сержанттың отбасына 5 миллион теңге беріледі

08 Маусым 2016, 15:11
0
© Tengrinews.kz
© Tengrinews.kz

Ақтөбедегі атыс кезінде қаза тапқан сержант Берік Қалиев туған жері - Батыс Қазақстан облысының Жәнібек ауданы Жақсыбай ауылына жерленді, - деп хабарлайды Tengrinews.kz тілшісі.

Батырды ақтық сапарға шығарып салуға ауыл тұрғындары түгелдей жиналды. Жерлеу рәсімін өткізуге облыстық әкімдік жәрдем берді. БҚО әкімі Алтай Көлгінов қаза тапқан сержанттың отбасына көңіл айтты.

"Ол қазақстандықтардың қауіпсіздігін қамтамасыз ете отырып, өз міндетін ерлікпен, адалдықпен орындады. Біз сіздердің қайғыларыңызға ортақпыз. Берік Қалиевтің ерлігі тарихта қалады. Біз оған қарыздармыз, ол біздің жадымызда мәңгі сақталады", - деді Алтай Көлгінов.

Облыс әкімі тілшілерге берген сұхбатында заң бойынша, әскери қызметте жүріп қаза тапқан адамның отбасына оның соңғы бес жылдағы жалақысының мөлшерінде қаражат берілетінін жеткізді. Бұл шамамен 5 миллион теңге. Сонымен қатар, Алтай Көлгінов облыс әкімдігі Берік Қалиевтің әйеліне материалдық көмек көрсетілетінін айтты. Айта кетейік, сержанттың артында 4 баласы қалды.

Еске салайық, Берік Қалиев 5 маусым күні Ақтөбеде лаңкестердің әскери бөлімге басып кіруі кезінде қайтыс болған еді. Ол қарулы қылмыскерлерді бірінші болып қарсы алғандардың қатарында болған.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай