Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

Ақтөбедегі теракт кезінде жарақат алған 22 жастағы әскери қызметші Астанаға жеткізілді

11 Маусым 2016, 14:16
1
© ҚР Денсаулық сақтау және әлеуметтік даму министрлігі
© ҚР Денсаулық сақтау және әлеуметтік даму министрлігі

Ақтөбедегі теракт кезінде жарақат алған 22 жастағы әскери қызметші Сырым Сүндетовтің жағдайы тұрақты түрде ауыр деп бағаланды, - деп хабарлайды Tengrinews.kz тілшісі ҚР Денсаулық сақтау және әлеуметтік даму министрлігіне сілтеме жасап.

"10 маусым күні сағат 22.40-та Сырым Сүндетов санитарлық авиациямен Астанадағы Ұлттық нейрохирургия орталығына жеткізілді. Қазір ол есін жиды, қажетті ем алып жатыр", - делінген министрлік хабарламасында.

Ақтөбе облыстық Денсаулық сақтау басқармасы медициналық ұйымдарының мәліметінше, 5-11 маусым аралығында Ақтөбе қаласы стационарларына 39 адам жеткізілді, оның ішінде 4 адам облыстық ауруханаға, 33 адам жедел медициналық көмек ауруханасына, 2 адам теміржол ауруханасына жіберілді.

Бұл уақыт аралығында стационарлардың ауруларды қабылдау бөлмесі деңгейінде 16 пациентке амбулаторлық емдеу бойынша ұсынымдар берілді. Зардап шеккен 23 пациент ауруханаға жатқызылды, оның ішінде 3 адам стационарда қайтыс болып, 6 пациент ауруханадан шығарылды.

Астана уақыты бойынша сағат 12:00-дегі жағдайға сәйкес, Ақтөбе қаласының стационарларында 14 зардап шеккен азамат емделіп жатыр, олардың жағдайы орта деңгейдегі ауыр деп бағаланып отыр.


Нравится
Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай