1. Басты
  2. Біл
  3. Жаңалықтар
  4. Ел жаңалықтары

Алдағы күндері ауа райы бұзылады - Қазгидромет

© kazanfirst.ru © kazanfirst.ru

Синоптиктер 2017 жылғы 26-28 қазан аралығында ауа райы қандай болатынын айтып берді, - деп хабарлайды Tengrinews.kz тілшісі "Қазгидромет" РМК-ға сілтеме жасап. 

"Республиканың солтүстік аймақтарында қардың және боранның пайда болуына әкелген циклон, Батыс Сібірдің оңтүстігіне қарай ауысты. Оның орнына Қазақстан аумағында өз қозғалысын бастаған, жауын-шашынның қысқа мерзімді тоқтауына және температураның төмендеуіне әкеп соқтырған антициклон алмасты

Өз кезегінде, Қара теңіздің үстінде солтүстік-шығыс бағытта қозғалатын тағы бір циклон пайда болды. Кезеңнің соңында бұл циклон батыста, содан кейін республиканың орталығында және солтүстігінде жаңбыр мен ылғалды қар түрінде болып, күшті жел мен жауын-шашын туғызады. Қазақстан арқылы солтүстік-шығыс бағытында жылжи отырып, циклон жауын-шашыннан басқа, Иран аудандарынан жылы ауа әкеледі, бұл температураның кезекті көтерілуіне себеп болады", - делінген хабарламада.