Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Алматы әкімі Назарбаевқа есеп берді

12 Қазан 2015, 17:01
3
© Akorda.kz
© Akorda.kz

Алматы әкімі Бауыржан Байбек ҚР Президенті Нұрсұлтан Назарбаевқа өз жұмысы жайлы есеп берді, - деп хабарлайды Tengrinews.kz тілшісі Ақордаға сілтеме жасап.

Кездесу барысында Бауыржан Байбек қаланы әлеуметтік-экономикалық тұрғыдан дамыту жұмыстары жөнінде баяндады. Атап айтқанда, негізгі азық-түлік бағасының өсуіне жол бермеу, тиімді оқу үдерісін ұйымдастыруға жағдай жасау, жылу беру маусымына дайындық жөніндегі шаралар қабылданып жатыр.

Бауыржан Байбек жалпы сомасы 10 миллиард теңге болатын меморандумға қол қойылғанын, соған сәйкес Алматы кәсіпорындары өз өнімдерін "ЭКСПО-2017" көрмесі нысандарының құрылысына жеткізіп отыратынын айтты. Мұндай қадам алдағы Универсиада нысандарына да байланысты жоспарланып отырғаны атап өтілді.

Сонымен қатар, Алматы әкімі биылғы шілдеде болған көшкін зардабын жою жұмыстары туралы да айтты. Мәселен, тиісті өтемақылық төлемдер жасалып, аумақтарды тазарту жұмыстары жүргізілді, Қарғалы өзенінің сағасын бекіту жөнінде шаралар қабылданды.

Бауыржан Байбек "Нұр Отан" партиясының жемқорлыққа қарсы іс-қимыл бағдарламасы аясында таяу уақытта қала мектептері мен ауруханаларының қаржылық есептерін жариялау тәжірибесін енгізу қарастырылып отырғанын хабарлады.

Алматы әкімі халықпен кері байланыстың жолға қойылғанын айтып, сондай-ақ қаланың әлеуметтік-экономикалық көрсеткіштерін одан әрі жақсартуды қамтамасыз етуге бағытталған іс-қимылдар жөнінде, соның ішінде Қаланың 2020 жылға дейін дамыту стратегиясын әзірлеу ісінің басталғаны туралы баян етті. Мемлекет басшысы кездесу қорытындысы бойынша бірқатар нақты тапсырма берді. 


Нравится
Поделиться
Пікірлерді көру (3)
Оқылып жатыр
Талқыланып жатыр
Бүгін
Апта
Ай